Sumarið líður svo hratt!

Það er nokkuð búið að gerast uppá síðkastið í lífi Hildar. Ég skellti mér til dæmis uppá Hvannadalshnjúk með stelpunum úr vinnuni og tók það okkur ekki nema 12 og hálfan tíma að fara upp og niður. Svo stolt af okkur. Var reyndar farin að efast um að ég myndi ná að komast á leiðarenda..............úff erfiðasti parturinn var að koma sér niður.



Nokkrar myndir úr ferðinni :) Vorum voða heppin með veður þar til að við vorum alveg að komast uppá toppinn þá gerði hríð... en við bara fengum að prófa allskyns verðurfar í staðinn.

Svo er maður búin að skella sér nokkrum sinnum á tjúttið............ samt lítið miðað við áður. Segir þetta manni að maður sé orðinn gamall eða?? Hmmmmmm. Er ekki alveg að kaupa það.

Ég er farin að halda að ég þjáist af minnisleysi! Man ekki einn skapaðann hlut mínútu lengur. Hvað er það?! Mér er sagt eitthvað og ég sný mér við og þá man ég það ekki.......... frekar slæmt:)

Svo er það bara brúðkaup um helgina og helgina þar á eftir skellir maður sér austur til mo og pa og fer á Bræsluna að sjá Damien Rice. ......... get ekki beðið.

Síðan er það haustið! Jamm mín er sem sagt búin að fá svar og inngöngu í skólann í Svíþjóð.

Þeir tóku sinn tíma í að svara manni............................. ég hef hins vegar ákveðið að ég ætla mér ekki til Sverge heldur ætla ég að læra hérna heima og hlakka ekkert smá til. Ég komst inn í svipað nám hérna heima í HÍ og er eiginlega spenntari fyrir því en að fara út. Þannig að þetta fer bara allt eins og það á að fara. É skelli mér bara síðar út :) Er það ekki bara málið?

Nóg í bili frá þeirri sem man ekki neitt.

kv. HH

Orðin aðdáandi á EM í fótbolta!!

Ótrúlegustu hlutir gerast hjá mér þessa daganna. Mín er farin að horfa á EM og finnst það bara voða gaman. Aðal ástæðan er náttúrlega sú að við erum að tippa í vinnuni og mikil pressa hvern einasta dag hvaða lið muni vinna. Samt ekkert álag á mér......... er með tvo menn í vinnu! Pabbi og Hermann frændi hafa verið valdir af mér um að sjá um að spá um úrslitin. Það er enginn pressa á mér en svakalega á þeim ........... maður spilar náttúrlega á samviskubitið ;)

En það sem er annað sem er að draga mig að þessari áður óþolandi íþrótt er sú að það eru svo margir leikmennirnir svo helv.... myndarlegir og ekki slæmt að horfa á. Ekki spillir heldur að margir hugsa vel um útlitið og eru með flotta hönnuði sem hanna búningana þeirra. Ekki SLÆÆÆMT.

Svo að þið skiljið hvað ég á við og sjáið að ég er á engann hátt GRUNN þá set ég eina mynd með og ykkur er öllum velkomið að njóta þessa augnayndis :)

Er bloggið dautt??!!!

Er farin að hallast að því...... hmmm. Getum allaveganna verið sammála því að það er ekki mikil hreifin á því á þessum bæ.
Síðustu vikur og mánuði hafa aðalega snúist um það að hjá mér að bíða með hnút í maganum hvort að ég komist í skóla eð ekki í haust..... löng bið senn á enda. Ekki minnkaði hnúturinn þegar að ég fór að sjá svartan blett fyrir vinstra auganum. En eins og sannri mér þá ákvað ég bara að bíða í nokkra daga til að vera viss um að þetta færi nú ekki að fara og vitir menn... Þetta versnaði. Mín skellt sér til augnlæknis sem komst að því að ég væri með blæðingar á bak við augað........ ég horfði bara með einu spurningarmerki á lækninn. Hún sagði mér að fara beinu leið heim og ekki gera neitt...... enga hreifa mig og vinna. Ég var farin að halda að ég væri að fara að drepast. Næsta dag fer ég til sérfræðings og hann sendir mig í allskonar rannsóknir og ég nefni við hann að ég viti nú hvað þetta sé sem að er að mér......... Þar sem að ég fór að stunda Pole Fitness ekki svo fyrir löngu (fyrir þá sem ekki vita þá er það súludans) en þar er maður þó nokkuð á hvolfi :). Ég nefni þetta við lækninn og spyr hann hvort að það getið verið vegna þess að ég sé svona með augað, hann horfir á mig dágóða stund og segir svo við mig hvað er það? Ég skil ekki hvað þú átt við og ég segi aftur Pole fitness og súludans og hanga á hvolfi og ég sé bara spurninga merkið mæta mér. Það er ekki fyrr en ég segi jaa svona eins og stripparar að hann fer að kveikja á perunni og skellihlær. Ég bara brosi og segi jamm þannig sko eða sko í fötunum. Maður þurfti að bjarga sér. En hann segir mér að hætta í því og ég megi ekki gera neitt sem veldur því að mikill þrýstingur á hausinn komi. Svo næst fer ég í höfuðskanna og fæ stuttu seinna hringingu frá doksa sem tilkynnir mér það að ekkert slæmt hafi komið úr því.... þvílíkur léttir. Og segir svo að honum finnist það langsótt að þetta sé vegna súludansins en ég megi samt alls ekki stunda hann og ég þurfi að fara í frekari rannsóknir. Jæja svo í síðustu viku fer ég í loka skannerinn sem að tók dágóða stund..... hringt er í mig deginum áður og spurt hvort að ég sé með gangþráð, hafi fengið járnflís í augað og eitt annað sem ég man ekki og svo hvort að ég sé með innilokunarkennd. Og ég spyr þá hvað hún meini og hvað þetta eigi eftir að taka langan tíma og etc. Svo komst ég að þeirri niðurstöðu að það væri best fyrir mig að fá róandi þar sem að ég höndla stutt að vera innilokuð.......... mín bara steinrotast og tekur ekki einu sinni eftir að það er klukkutíma seinkun og að hún hafi sofið þetta næstum því allt af sér. Kem fram og þar bíða mo og pa eftir mér til að koma mér milli staða. Síðar um daginn fer ég og mamma í Rúmfó á smáratorgi og ég ennþá smá svona dofin og á leiðinni í bílinn þegar að mér finnst eins og ég sé að missa undan mér lappirnar og segi við múttu að ég haldi nú að ég sé að fá eftirköst af þessu róandi.................... en svo var nú ekki............. því mútta rífur í mig og segir Jarðskjálfti!!!! Og ég hló og hló ég ætlaði ekki að get hreyft mig. Búin að fá að vita að ég er ekki dauðvona en augað er enn mistery!!!
Svo um helgina var farið að gæsa Heiðveigu okkar og var þetta frábær dagur! Drukkið og borðað og hlegið og rifjað upp skemmtilegar og góðar minningar. Svo var dansað fram á rauðann dauðann eða svona næstum því.
Og núna líður mér eins og ég sé að springa því ég skellti mér á kaffihús með Hildi F, Ragnhildi og Hörpu og var ekki nóg að fá sér að borða heldur var þörf á latte og eftirrétti líka............... stundum kann ég mér ekki hófs og læri aldrei af fyrri mistökum. Ja well, svona er lífið.
Svo styttist í heimkomu Svíanna minni og er þegar búið að ákveða dagsetningu fyrir útilegi.... sjáum hvernig hún á eftir að enda! Og ekki nema hálfur mánuður að maður fari að klífa Hnjúkinn. Krossum putta að það verði gott veður og ég komi mér bæði upp og niður!


Hildur eineigða kveður að sinni.............

jebbbb

Jæja ætli maður sé ekki farinn að spara! Kreppa í gangi og allt orðið himin hátt.......... hversu leiðinlegt er það. Verð að viðurkenna að mér finnst ekki gaman þegar ég get ekki leyft mér það sem mig langar til að gera. T.d. kaupa mér nýja skó eða borða það sem mig langar í. Það hentar mig engan veginn að vera í kreppu þannig eigum við ekki bara að sleppa því?
Annars er maður bara á leiðinni austur í heimsókn til mo og far. Get ekki beðið! Meir að segja búin að frétta að pabbi bíði með kræsingar handa okkur og með matseðill fyrir hvern dag. Ekki slæmt.
Svo er ekki langt í að Hildur mín komi til baka og ég get ekki beðið.......... frekar einmannalegt hérna án hennar. Verð samt að segja að ég er búin að vera ansi dugleg í heimsókn og menningarlegum viðburðum síðan hún fór. Búin að fara á kommúnuna sem var æði! Svo búin að fara á stelpu djamm og skelltum okkur á Nasa með Palla og svo bara á tjúttið......... ekki slæmt.
Fór svo í ræktina um helgina með HT og Lil og við fórum í skvass........... verð að segja að ég er enn aum. Í gær gat ég ekki einu sinni farið á klóið því ég átti bágt með að standa upp ;) En ég var voða ánægð að heyra að HT var líka að deyja þannig að þetta var ekki einungis aumingjaskapur !

kveð að sinni ..... þarf að fara að klára kökuna fyrir morgundaginn.

Hildur Harðsperra

Greeting yall!

Jæja þá er nýja árið komið á fullt og margt búið að gerast síðan síðast.............. jebb nokkuð skemmtilegur endir á árinu sem leið og nýja árinum sem var að byrja. Ég sem sagt náði að næla mér eitthvað sem kallast ristill...... ekki einu sinni spurja því ja well þið viljið ekki vita. Þannig að jólin fóru merst í að liggja með hausinn fastann á koddanum og sængina uppfyrir haus. Það fóru allaveganna tvær ef ekki þrjár vikur í þetta en ég er orðin ný manneskja núna! Þar sem að jólin fóru að mestu í að liggja uppí rúmi þá tókst mér ekki að hitta þá sem að komu til landsins ekki eins mikið og mig langaði (grátur). En það er alltaf sumarið.
Svo fékk ég vinnu og er að vinna á nýjum vinnustað og líkar alveg voða vel. En til að halda áfram með veikyndi þá nældi ég mér um síðustu helgi í ælupestina þannig að ég komst ekki á árshátíðina...... og það var víst voðalega gaman ! Ég sem sagt er búin að vera svo mikið heima hjá mér uppá síðkastið að ég er komin með grænar.
Svo til að toppa þetta allt sama þá eru rithöfundar í Hollywood ennþá í verkfalli og ég hef ekkert að horfa á........ hvað er málið með það? En maður bara tekur þessu öllu með jafnaðargeði ;) hehe.
Til að ég drepist ekki alveg úr leiðindum þá ákvað ég að skella mér til mo og far um næstu helgi og ég get ekki beðið. Er reyndar enn að bíða eftir að heyra hver matseðilinn hans pabba verði, hann er víst svona svaða góður kokkur að mati múttu :)
En svo í vikunni þar á eftir þá verð ég ein í heiminum Hildur mín er að fara til LA án mín í einn og hálfan mánuð............. hvað geri ég þá? Grátur grátur. Ekki skilja mig eina eftir ;) ég skal koma mér í töskuna þína ég lofa að taka ekki of mikið pláss! Ég lifi þetta af held ég eða svona næstum því. Guðný er að koma svo hún fyllir eflaust uppí tómaskarðið hennar!

Jæja þá er bara að fara að koma sér meira út á lífið!

Nóg í bili ég kem kannski með einhverja ælusögu eða eitthvað næst eftir svona einn og hálfan mánuð .......... djók.